top of page

Oral sex ke baare mein sab kuch jaanen!

Oral sex ek tarah ki sexual activity hai jis mein partners ek duusre ke saath oral stimulation karte hain. Ise karne ke kai reasons ho sakte hain, jaise aap apne relationship ko thoda spice up karna chah sakte hain, ya aap abhi sex ke liye taiyaar nahin hain, ya bas aap kuch naya try karna chahte hain! Oral sex ek exciting sexual activity hai, lekin aapko kuch precautions bhi leni chahiye. Oral sex kya hai, iske baare mein kuch common myths kya hain, aur iske dauraan safe rehne ke liye kya karna chahiye, ye sab jaan ne ke liye padhna jaari rakhen!

Oral sex kya hai?



Oral sex ek tarah ki sexual activity hoti hai, jis mein munh, honth, aur/ya jibh ka istemaal apne partner ke genitals ko stimulate karne ke liye kiya jaata hai. Is mein penis, vagina, vulva, clitoris aur/ya anus ko suck karne ya lick karne jaisi activities shaamil ho sakti hain. Is mein partners ka combination koi bhi ho sakta hai, ek male ek female ko stimulate kar sakta hai, ek female duusri female ko stimulate kar sakti hai, ya ek male ek duusre male ko stimulate kar sakta hai, ya phir koi bhi combination!


Common Myths ka Javaab

  • Kya oral sex ki vajah se pregnant ho sakte hain?

    • Nahin! – Oral sex se pregnant hona namumkin hai. Agar aap ejaculation ko swallow kar len, tab bhi pregnancy nahin ho sakti. Pregnant tabhi ho sakte hain, jab ejaculation ya pre-ejaculation vagina mein enter kare. Jab ejaculation ko swallow kiya jaata hai, to voh stomach mein jaata hai aur vaginal organs ke aas paas bhi nahin pahunchta.


  • Kya mere oral health ko nuqsaan ho sakta hai?

    • Haan! – Oral sex ke dauraan, log ye nahin sochte ki sexual fluids unke munh ke andar kya kar sakte hain. Lekin, jaise aap khaana khaane ke baad daant brush karte hain, usi tarah oral sex ke baad bhi karna chahiye! Aisa isliye hai kyonki semen acidic ho sakta hai aur agar aap oral sex ke baad brush nahin karenge, to aapke daant kharab ho sakte hain.


  • Kya oral sex se STI ho sakta hai?

    • Haan! – Kai log sochte hain ki oral sex se STI nahin hota, lekin aisa nahin hai. Jaise, oral sex ke dauraan skin ke skin se contact ki vajah se herpes ho sakta hai. Gonorrhea aur chlamydia jaise STI oral sex ke dauraan apke gale ko infect kar sakte hain. Aur syphilis, hepatitis B aur HPV jaise serious STI bhi aapko infect kar sakte hain.


  • Lekin kya main munh dho kar STI se nahin bach sakti huun?

  • Nahin! – Chahe oral sex ho ya sexual penetration, agar barrier protection nahin ho, to aapko infection ho sakta hai. Iska matlab hai ki bimaari se bachne ke liye condom ya dental dam istemaal karna zaroori hai. Aap chaahe kisi cheez se bhi mouth rinse karen, alcohol se, sabun se, ya paani se, ya kisi bhi duusri cheez se, voh aapko STI se nahin protect karegi.


Safe Oral Sex kaise Practice karen

Safe oral sex ke liye sabse accha tariqa hai ki oral sex ka receiver ek dental dam ya condom pahan kar rakhe. Ye sabse accha protection hai kyonki ye infection ke liye barrier ki tarah kaam karta hai aur aapke munh ko protect karta hai. STI ke khatre ko kam karne ke liye duusra tariqa ye hai ki agar aapke ya aapke partner ke munh ya genitals mein koi cut ya ulcer hai, oral sex ke giver ko throat infection hai, to uske saath oral sex karne se bachna chahiye. Ye sabhi signs STI ke phailne ke khatre ko badha dete hain, isliye aisi situations se bachna chahiye.

Kul milaakar dekha jaaye to, apni sex life mein kuch change laane ke liye oral sex ek fun activity hai, lekin iske liye bhi protection aur sahmati ki zaroorat hai. Chaahe aap apni sex life ko spice up karna chaahen, kuch naya try karna chaahen, ya aap oral sex ko prefer karte hon, STI se bachne ke liye barrier method ka istemaal zaroor karen. Agar donon partners is se sahmat hain, to enjoy kijiye!

Kya aap kuch aur jaan na chaahte hain? Kya sex, STI, HIV/AIDS ya birth control ke baare mein aapke koi aur savaal hain? Yaad rakhen, aap kabhi bhi WhatsApp aur Facebook Messenger par Nivi ke saath chat kar sakte hain. Ye private, confidential aur bilkul muft hai!



Comments


bottom of page